Bonoak abenduaren 2an jarri ziren salgai BBKren zerbitzu askotarako kutxazainetan, eta edozein kreditu edo zordunketa txartelaren bidez erosi daitezke datozen bi hilabeteetan zehar. Erosleak nahi adina bono kontsumitu ditzake, baina kreditu- txartel edo zordunketa- txartel bakoitzeko eros daitekeen bono kopurua bi unitatera mugatua dago.

 

‘Bono Denda’ erosketa bakarrean erabili ahal izango da, hau da, ezingo da tiket edo faktura ezberdinetan pilatu. Haren prezioa 40 eurokoa da, baina Foru Aldundiaren diru-laguntzari esker, 50 euroko erosketa egiteko eskubidea emango die herritarrei.

 

Kanpaina honek herriko eta hiriko denden kontsumoa sustatzea du helburu, bereziki Gabonetako erosketa- gorakada aprobetxatuz. Tokian tokiko saltoki txiki eta hurbilekoei zuzendutako kanpaina bezala aurkeztu dute antolatzaileek, hamar pertsonatik beherako lantaldeentzako hain zuzen ere. Aurtengo nobedade gisa, irudi pertsonalaren arloko dendek (ile-apaindegiak, estetika guneak…) ere kanpainan hartuko dute parte.